108

وردک زئی

نعمت اللہ اس قبیلہ کا ذکر نہیں کرتا ہے ۔ جب کہ شیر محمد گنڈا پور نے اس کا شجرہ وردک بن کودے بن کڑلان دیا ہے ۔

ایرانی میں ورک بھیڑے کو کہتے ہیں اور کلمہ وردک ورک کا معرب ہے ۔ یہ کلمہ اس طرح وجود میں آیا کہ ’ر‘ پر دباؤ کی وجہ سے ’د ‘ کا اضافہ ہوگیا ہے ۔ اس طرح یہ کلمہ ورک سے اورک ہوگیا ۔ گویا یہ لہجہ کی تبدیلی سے وجود میں آیا ہے ۔ جب کہ زئی لائقہ ہے ۔ شاہنامہ میں ورک نام ضحاک کی ماں کا تھا ۔

 قدیم آریائی اقواموں میں اکثر ان کا ٹوٹم کوئی جانور ہوا کرتا تھا اور وہ اس کی پوجا کرتے اور اس کو اپنا مورث اعلیٰ تسلیم کرتے تھے ۔ (دیکھے خر) اس قبیلے کا عہد قدیم میں ٹوٹم ورک رہا ہوگا ۔ جس کی یہ پوجا کرنے کے علاوہ اس کو اپنا مورث تسلیم کرتے ہوں گے ۔ مگر یہ مسلمان ہونے کے بعد وہ بھول گئے کہ وہ بھیڑیا ہے اور جو وقت کے ساتھ شخصیت کا روپ دھار چکا تھا ۔ اس لئے  شجرہ نسب میں اسے اپنا مورث اعلیٰ بنا کر پیش کیا ۔  

تہذیب و تدوین
عبدالمعین انصاری

اس تحریر پر اپنی رائے کا اظہار کریں

اپنا تبصرہ بھیجیں